දිවයින කතුවැකිය - 2011/03/24
Thursday, March 24, 2011
එක්‌සත් ජාතික පක්‍ෂයේ අර්බුදය
අපගේ වැටහීම නම් එක්‌සත් ජාතික පක්‍ෂයේ අර්බුදයක්‌ නැති බවත්, එකම අර්බුදය මහින්ද රාජපක්‍ෂ බවත් ය. මෑත ඉතිහාසයේ පහළ වූ හොඳම දේශපාලන රේස්‌ අශ්වයා ඔහු ය. යුද විරුවා, රණ විරුවා, ඊළඟ නායකයා යනාදී වශයෙන් ලණු කවනු ලැබූ සරත් ෆොන්සේකා ජනරාල් තැන මහින්ද රාජපක්‍ෂට පරදින්නේ ඡන්ද දහඅට ලක්‍ෂයකිනි. එක්‌සත් ජාතික පක්‍ෂය කළ යුත්තේ නායකයා මාරු කිරීම නොව පක්‍ෂයේ ක්‍රමවේදය මාරු කිරීම ය. එ.ජා.ප. ක්‍රමවේදය තුළ වැරදුණු තැන් බහුල ය. කොටින්ට විරුද්ධව යුද කළ යුතු බව මුළු රටම කියන විට එ.ජා.ප.ය ප්‍රතිපත්තියක්‌ වශයෙන් යුද විරෝධී විය. සටන් විරාම ගිවිසුම මේ බංකොලොත්භාවයේ ලිඛිත සාක්‍ෂියයි. ඒ වැටුණු වැටිල්ලෙන් ගොඩ ඒම සජිත්ට සිහිනෙන්වත් කළ හැකි ද? මී ළඟ මැතිවරණවලදී පක්‍ෂය දිනවීම දේශපාලන කොන්ත්‍රාත්කරුවන්ට භාර දීම එ.ජා.ප.ය විසින් නො කළ යුතු බව අපි හඟිමු.
Subscribe to:
Post Comments (Atom)
No comments:
Post a Comment