Loading...

Tuesday, September 30, 2014

එයාට මාව සැකයි!

''අනේ මට phone එකක් නම් නැහැ''

''ඇයි ඒ'' මම ඇහුවා. ''phone එකක් ඔනමයි නේ ද ඔය රස්සාවට ''

''එකනම් ඇත්ත,එත් 'අපේ මිනිහ' මට phone තියාගන්න දෙන්නේ නැහැ.

''ඇයි ඒ'' මම නැවත ඇහුව.

''එයාට මාව සැකයි''

''සැකයි!'' ''මොනවටද සැක ?''

''එයා හිතනවා phone තියෙනකොට කොල්ලෝ කථා කරයි,sms එවයි ,මා එක්ක යාළු වෙන්න හදයි කියලා.එයා මම ගැන හෙවිල්ලෙන් ඉන්නේ'' !!

(අබිසරු ලියක් වුවද ඒ ඔහුගේ පෙම්වතියයි .''සැකයි!'' ''මොනවටද සැක ?'' යනුවෙන් මා ඇසූ පැනය පිලිබඳ මම සියක් වාරයක් පසු තැවෙමි.මිනිස්සු එක්ක සල්ලි වලට පාරේ නිදා ගන්න ගෑණිගෙ මොනවා සැක කරන්නද?මොනවා හොයන්නද? මා තුල තිබූ මනෝභාවය එය නොවේද ?

ඇයට පහරදුන් පොලිස් නිලධාරියා හා ඒ ප්‍රශ්නය ඇසූ මා අතර වෙනසක් නැතැයි මම සිතමි.)

 

උදුල් ප්‍රේමරත්න 


-- SithTV --

Monday, August 4, 2014

දෙවියන්ගේ වට්‌ටෝරුවකට සකස්‌ කළැයි කියන කැඳ වර්ගය පාසල් සිසුන්ට දෙන්නේ කුමන වෛද්‍ය නිර්දේශයක්‌ අනුවද? - ආචාර්ය වික්‍රමබාහු කරුණාරත්න

දෙවියන් විසින් ලබාදුන් වට්‌ටෝරුවක්‌ අනුව සකස්‌ කර ඇතැයි කියා දරුවන්ගේ දිවා ආහාරයක්‌ ලෙස ලබාදීමට යෝජිත කැඳ වීදුරුව කුමන වෛද්‍ය නිර්දේශ මත ලබාදෙන්නේද යන්න බලධාරීන් වහා රටට හෙළිකළ යුතු යෑයිද වික්‍රමබාහු මහතා කියා සිටියේ එම පක්‍ෂ මූලස්‌ථානයේ පසුගිය දා (31 වැනිදා) පැවති මාධ්‍ය හමුවකට එක්‌වෙමිනි.

මෙම කැඳ වර්ගය නිෂ්පාදනය කරන ආයතනයෙන් තමන් කළ විමසීමේදී තමන්ට දෙවියන් විසින් ලබාදුන් වට්‌ටෝරුවක්‌ අනුව කරන බවත් ඒවා මිලදී ගැනීමට ඉල්ලුම් කරන පිරිසට අලෙවි කිරීම තම ව්‍යාපාරය බවත් ඔහු පැවසූ බවද වික්‍රමබාහු මහතා කීය.

එසේ නිෂ්පාදන අලෙවි කිරීම ඔහුගේ කාර්යයක්‌ බවත් එය වරදක්‌ ලෙස තමන් නොදකින බවත් කී වික්‍රමබාහු මහතා මෙවැනි අද්භූත දේවල් දරුවන්ට ලබාදීම පිටුපස සිටින්නේ කවුරුන්ද යන්න සොයා බැලීම කළ යුතු බවද කීය.

පාසල් දරුවන්ට දියර කිරි ලබාදිය හැකි බව මෙරට නිෂ්පාදන හිමියන් ප්‍රකාශ කර සිටියදී එය ප්‍රචලිත කර කිරි ගොවියාත්, දරුවන්ට පළතුරු ප්‍රචලිත කර පළතුරු ගොවියාත් ආරක්‍ෂා කිරීමට කටයුතු කළයුතු අවස්‌ථාවක දෙවියන් විසින් ලබා දුන්නා යෑයි කියන කැඳ වට්‌ටෝරුවක්‌ කිසිම වෛද්‍ය විද්‍යාත්මක සොයා බැලීමකින් තොරව දරුවන්ට ලබාදීමට කටයුතු කිරීම ගැටලු සහගත බවද ඒ මහතා වැඩිදුරටත් කියා සිටියේය.

ධනිඳු ලංකානාත් දරුවා පැහැර ගැනීම

මෙවැනි සිද්ධීන්වල තිබෙන භයානකම දෙය වන්නේ ඉතා සුළු අත්වරදකදී පවා පැහැරගැනීමට ලක්‌ වූ දරුවාගේ ජීවිතය අවසන් කිරීමට කප්පම්කරුවන් සූදානම් වීම ය. මතුගම සමන් කුමාර සිද්ධියේදී එවැනි වැරදි සිදුවිය. සදීප ලක්‍ෂාන් සිද්ධියේදී ද එවැනි දේ සිදු විය. එහෙත් ධනිඳු ලංකානාත් සිද්ධියේදී එම වරද නොවීමට මුළු රටම වගබලා ගත්තේ ය. එබැවින් මේ දරුවාගේ ජීවිතය බේරීම සාමූහිකව සතුටු විය යුතු කාරණයකි.

Sunday, July 13, 2014

වික්‍රමබාහු!!!

මාක්‌ස්‌වාදියකු වන වික්‍රමබාහු යනු මේ රටේ ජනාධිපති වීමට සිතා සිට කොළඹ නගර සභාවේ නාගරික මන්ත්‍රීකමින් සිය දේශපාලන ජීවිතය අවසන් කළ උගත් බුද්ධිමත් ලස්‌සන මහතෙකි. 

http://www.divaina.com/2014/07/14/editor.html

Tuesday, July 1, 2014

යක්‍ෂයාගේ දියණියෝ

රාගම රෝහලේ සූතිකාගාරයේ හෙදියන්, සූතිකාගාර සේවිකාවන් සහ කනිටු සේවකයන් රැළක්‌ වසුරු පිඬට පොරකන නිලමැස්‌සන් සේ, බඩදරු අම්මලා ඉදිරිපිට ගහ මරා ගත් හැටි ඊයේ (1 දා) "දිවයිනේ" මුල් පිටුවේ ප්‍රධාන පුවත ලෙස පළ විය. 

මෙහිදී සැත්කම්වලට නියමිත මවුවරුන් සිහි නැති කර සැත්කම සඳහා සූදානම් කළ ඇතැම් හෙදියෝ සටනට සහභාගි වී මවුවරුන් සිහි නොගන්වාම යන්නට ගියහ. එකී මවුවරුන්ට යළි සිහිගන්වන ලද්දේ දොස්‌තරලා විසිනි. මේ නිසා අද දින මේ තීරුවෙන් දොස්‌තරලාට බණිනු නොලැබේ. ඔවුන් ගැබිනි මවුවරුන්ට සිහි නොගත්තා නම් අද අපට සිදුවන්නේ සිද්ධියට සම්බන්ධ නර්ස්‌ලාගේ සහ වින්නඹු අම්මලාගේ මළගෙවල්වල යැමට ය. සිහි නැති කළ ගැබ්බර මවක්‌ නිසි අවස්‌ථාවේදී සිහි නොගැන්වුවහොත් ඇයට සහ කුස තුළ සිටින දරුවාට සිදුවිය හැකි අනතුරු බොහොම තිබෙන බව සියලු දෙනා දැනගත යුතු ය. 

ඔවුහු යක්‍ෂයාගේ දියණියෝ ය.


http://www.divaina.com/2014/07/02/editor.html

Wednesday, June 25, 2014

නීචයා හෙළිදරව් කරනු!

2002 දී බලයට පත්වූ යූ.එන්.පී. ආණ්‌ඩුව මහනුවර පොලිස්‌ සුනඛ අංශයේ ලොක්‌කකුගේ (ඔහු සුනඛයකු නොව මිනිහෙකි) ලණුවක්‌ ගිල දමා අතුරුගිරියේ මිලේනියම් සිටි නිවාස සංකීර්ණයේ පිහිටි බුද්ධි අංශයට අයත් නිවසක්‌ වටලයි. (එම ලොක්‌කා සුනඛයකු වූයේ නම් කවදාවත් එවැනි නීච වැඩක්‌ කිරීමට එදා එක්‌සත් ජාතික පක්‍ෂයේ සිටි ගොන් රැළ පොළඹවන්නේ නැත) එක්‌සත් ජාතික පක්‍ෂ ආණ්‌ඩුව එම නිවස 'රේඩ්' කිරීමට පොලිසිය සහ හමුදාව යවයි. ඒ පසු පසින් රූපවාහිනි කැමරාකාරයෝද ඇදී යති. එම නිවස බුද්ධි අංශයේ නිවස්‌නයක්‌ බව හෙළි වන විට බුද්ධි අංශයේ නම් 'ලිස්‌ට්‌' එක ප්‍රභාකරන් අතට ගොස්‌ ඉවරය. බුද්ධි අංශයේ නම් ලිස්‌ට්‌ එක අතට ගත් ප්‍රභාකරන් එම ලිස්‌ට්‌ එකේ සිටි නිලධාරීන් විස්‌සකට වැඩි ප්‍රමාණයක්‌ ඉවක්‌ බවක්‌ නැතිව මරවන ලද බව කියමින් මේ කතුවැකියේ පළමුවන ඡේදය නිමා කරනු ලැබේ.

පාර්ලිමේන්තුවේ සිටින කුරුඳු පොලුකාරයෙක්‌ බුද්ධි අංශයේ නිලධාරීන් සමූහයකගේ නම් හෙළි කරන්නට යන බව හෝ හෙළි කරමින් සිටින බව හෝ පසුගිය දෙදින අපි මාධ්‍ය මගින් දැන ගතිමු. මේ භයානක ක්‍රියාව කරන නීචයා ගැන වහාම හෙළි කළ යුතුය. 

යූඑන්පීය තුළ ඉතා යහපත් ඉතා අවංක මිනිසුන් සිටියත් එය එක දිගටම පරදින්නේ මෙවැනි නීච ක්‍රියාවලින් හටගත් ශාපයක්‌ නිසාදැයි අපට සමහරවිට සිතේ.

http://www.divaina.com/2014/06/26/editor.html 

Tuesday, April 22, 2014

බැලු බැල්මටම වුව මෙය කැතය. කැතට වඩා අපට නම් සැකය.

"මේ රටේ ඕනෑම ආගමක්‌ ඇදහීමේ නිදහස තිබෙනවා. ඕනෑම තැනක ජීවත්වීමේ අයිතිය තිබෙනවා. ඒක නැති කරන්න අපට බෑ. ඒක ආණ්‌ඩුක්‍රම ව්‍යවස්‌ථාවේ සඳහන් වෙලා තියෙනවා. ඒ වගේම එහි සඳහන් වෙලා තිබෙනවා බුදු දහම රාජ්‍ය අනුග්‍රහය ඇතිව ආරක්‍ෂා කරනවා කියලා. ඒ ව්‍යවස්‌ථාව ඒ විදිහටම තිබෙනවා. ඒවා වෙනස්‌වෙලා නෑ. ඒ නිසා ඒක ගැන කවුරුවත් කලබල වෙන්න ඕනෙ නැහැ. ඒක රැකගැනීම, අනෙක්‌ ආගම් අතර සහජීවනය ඇතිකිරීම, ආගමික නිදහස ලබාදීම අපේ වගකීමක්‌. ඒ අවශ්‍යතාව අපි ඉටු කරනවා. ඒක නිසා කිසිදෙයක්‌ බලහත්කාරයෙන් කාටවත් වෙනස්‌ කරන්න පුළුවන්කමක්‌ නෑ කියලයි මා විශ්වාස කරන්නේ."

අතිගරු ජනාධිපති මහින්ද රාජපක්‍ෂ මහතා



රටේ බෞද්ධ ජනතාව ද එය පිළිගනිති. ඒ විශිෂ්ට ජනතාව ද අන් ආගම් නොඉවසන්නෝ නොවෙති. (එසේම, යමකු සම්බුද්ධ ශාසනය විනාශ කිරීමට පැමිණෙන්නේ නම් ඉතාම ඉවසීමෙන් යුතුව සීමාව පනින සැටිද ඔව්හු දනිති.) තතු එසේ තිබියදී සමහර භික්‍ෂුන් වහන්සේලා සිවුර පටින් බල්ටි ගැසීම ශ්‍රී ලංකාව ගිනි තැබීමට ලෝකයේ හතර වටින්ම බලා සිටින හනුමලා චූන් කිරීමකි. බැලු බැල්මටම වුව මෙය කැතය. කැතට වඩා අපට නම් සැකය.

http://www.divaina.com/2014/04/22/editor.html