යාපනයේදී කළ කතාවකදී මිස්‌ටර් ප්‍රභාකරන් යෑයි සඳහනක්‌ කිරීමෙන් චන්ද්‍රිකා කුමාරතුංග නැවත වතාවක්‌ ජනතාවගේ වෛරයට පාත්‍රව තිබේ. මෙතුමිය කට ඇරියොත් ඡන්ද විසිතිස්‌දහසක්‌ මකර කටෙහිය. කෙසේ වුවද ප්‍රභාකරන් මිනීමරුවාට 'මිස්‌ටර්' කීම නිසා අනවශ්‍ය අශූචි බාල්දියක්‌ තම හිසට පෙරළී ඇති බවත් එය ගංගාවක්‌ සේ මෛත්‍රී දෙසට ගලාගෙන යන බවත් දුටු චන්ද්‍රිකා වරද නිවරද කරනු පිණිස කියා සිටියේ තමා ප්‍රභාකරන්ට සමච්චල් කරනු පිණිස 'මිස්‌ටර්' යන පදය යෙදූ බවය. මෙය ඇගේ ඊළඟ ගොං කතාව ය. යාපනේ සිටින්නෝ බබ්බු නොවෙති. ඔවුන් ඉදිරිපිටට ගොස්‌ ප්‍රභාකරන්ට සමච්චල් කළ විට ඇයට ආපසු කොළඹ දුවන්නට සිදුවන්නේ මෙයට අවුරුදු කිහිපයකට පෙර එස්‌. බී. කියූ ආකාරයට ය.
