සම්බන්දන්ගේ එල්.ටී.ටී.ඊ. සම්බන්දය

"එල්.ටී.ටී.ඊ. සංවිධානයට යුද්ධයක්‌ අවශ්‍යව නොතිබූ බව මාගේ පෞද්ගලික අවබෝධයයි. ඔවුන් යුද්ධයක නිරතව නොසිටි අතර යුද්ධයක නිරතව සිටියේ රජයයි. එල්.ටී.ටී.ඊ. ය යුද්ධයකට ඈ¹ ගනු ලැබුවේ ද මහින්ද රාජපක්‍ෂගේ නායකත්වයෙන් යුත් වත්මන් රජයයි. එමෙන්ම එල්.ටී.ටී.ඊ. ය දෙමළ ජනතාවගේ යහපත උදෙසා අදාළ පියවර ගැනීමට කැපවී සිටියා යෑයි මෙහිලා සඳහන් කළ යුතුමය."

ටී.එන්.ඒ. පාර්ලිමේන්තු මන්ත්‍රී ආර්. සම්බන්දන් මහතාගේ අදහස්‌ ඇසුරෙන් "සාම විමර්ශි" සඟරාවේ 2009 ජනවාරි කලාපයෙහි පළවූ ලිපියක එසේ සඳහන් වී තිබිණි.

එල්.ටී.ටී.ඊ. ය යුද්ධයකට ඈ¹ ගනු ලැබුවේ මහින්ද රාජපක්‍ෂ ජනාධිපතිවරයා ප්‍රමුඛ රජය බව සම්බන්දන් මහතා පවසයි.

එල්.ටී.ටී.ඊ. ය යුද්ධයට ඈ¹ ගත්තේ ජනාධිපති මහින්ද රාජපක්‍ෂ මහතා ද නැතිනම් තම යුද ශක්‌තිය පිළිබඳ අධි තක්‌සේරුවකින් සිටි ප්‍රභාකරන් ද කියා අමුතුවෙන් කිවයුතු නැත. සිය පිරිස්‌ බලය සහ යුද බලය පිළිබඳ මහා ලොකුවට හිතා සිටි ප්‍රභාකරන් මාවිල්ආරු සොරොව්ව වසා හමුදාව යුද්ධයට කැඳවාගෙන අවසානයේදී නන්දිකඩාල් කලපුවේදී ඊළාම් සිහිනය සුන්කර ගනිමින් අවසන් ගමන් ගියේය.

http://www.divaina.com/2011/02/11/feature01.html

කොළඹ - තූත්තුකුඩිය මගී නැව් සේවාව මාර්තු 1 වැනිදා සිට

කොළඹ තලේමන්නාරම සහ තූත්තුකුඩිය අතර මගී නැව් සේවාව මාර්තු 01 වැනිදා ආරම්භ වේ.

තූත්තුකුඩිය මගී නැව් තොටුපළේ තත්ත්වය විමර්ශනය කිරීම සඳහා නව දෙනකුගෙන් යුත් ශ්‍රී ලංකා නියෝජිත කණ්‌ඩායමක්‌ පෙරේදා (7 දා) තූත්තුකුඩියට පැමිණි බව වාර්තා වේ.

මෙම මගී නැව් සේවාවට ආරක්‍ෂාව සැලසීම සඳහා ඉන්දීය නාවික හමුදාවද ශ්‍රී ලංකා නාවික හමුදාව ද සහය වේ. මෙම මගී නැව් සේවාවට ශ්‍රී ලංකාවෙන් නැව් දෙකක්‌ හා ඉන්දියාවෙන් නැව් තුනක්‌ ද අයත් වේ.

http://www.divaina.com/2011/02/09/news12.html

මාධ්‍ය මර්දනය

මාධ්‍ය මර්දනය බිම් බෝම්බයකි. එක්‌කෝ සදාකල් ඒ මත සිටගෙන සිටිය යුතුය. යම් හෙයකින් කකුල ආපසු ගත්තේ නම් බෝම්බය පුපුරා යන්නේය.

යුදෙව් ඉතිහාසය

යුදෙව් ආගමික ග්‍රන්ථවලට අනුව මැදපෙරදිග රටවල සංචාරක ගෝත්‍රයක්‌ (අප දන්නා පරිදි අහිගුණ්‌ඨික ගෝත්‍රිකයක්‌) ලෙසින් ජීවත් වූ හීබෲ ගෝත්‍රිකයෝ ක්‍රිස්‌තු පූර්ව 1200 දී පමණ ඔවුන්ගේ නායකයෙකු වූ ආබ්‍රහම් සර්වබලධාරි එක ම දෙවියන් වහන්සේ සමග ඇති කර ගත් ගිවිසුමක්‌ මත දෙවියන් වහන්සේගේ නියමයන් අනුව ජීවත් වීමට එකඟ වී අද පලස්‌තීනය යනුවෙන් හැඳින්වෙන ප්‍රදේශයේ යෙරුසෙලම ආශ්‍රිතව පදිංචි වී ඔවුන්ගේ සංචාරක දිවිපැවැත්ම අත් හළහ. ඔවුන් පදිංචි වූ ප්‍රදේශය ආබ්‍රහම්ගේ මුනුපුරෙකු හට දෙවියන් වහන්සේ විසින් තබන ලද "ඊශ්‍රායල්" යන නම අනුව යමින් ඊශ්‍රායලය යනුවෙන් නම් කර ගත්හ.

වැඩි කල් එසේ ජීවත් වීමට ඔවුනට නොහැකි විය. ඊජිප්තු පාරාවෝවරුන් ඊශ්‍රායලය ආක්‍රමණය කළහ. ඊශ්‍රායලවරුන්ට ඉන් පසු ඊජිප්තුවේ වහලුන් ලෙස වැඩ කිරීමට සිදු විය. ක්‍රිස්‌තු පූර්ව 1250 දී පමණ ඊජිප්තුවේ උපත ලද මෝසස්‌ නම් හීබෲ පරපුරකින් පැවත එන තැනැත්තෙකු විසින් දෙවියන් වහන්සේගේ නියමය පරිදි දෙවියන් වහන්සේගේ උපකාරයෙන් ඊශ්‍රායල්වරු වහල් බවින් මුදා ගන්නා ලදී. පාරාවෝවරුන්ගේ වහල්කමින් හීබෲ ගෝත්‍රිකයන් මුදා ගැනීම පිණිස මිසර ජාතිකයන් බිය වැද්දවීමට සර්වබලධාරී වූ දෙවියන් වහන්සේ මොසස්‌ තුමාගේ ඉල්ලීම පරිදි ළමයින් හට වැළඳෙන වසංගත රෝග දහයක්‌ මුදා හළ බව පසුකාලීනව ලියවුණු යුදෙව් ආගමික පොත පතෙහි සඳහන් වේ. මේ මුදවා ගැනීමෙන් පසු ඊජිප්තුවෙන් පලා ආ ඔවුහු ඊශ්‍රායලය නමින් හැඳින් වූ ප්‍රදේශයේ නැවත පදිංචි වූහ. මොසස්‌ විසින් දස පනත ද ඇතුළු යුදෙව් නීතිරීති 613 ක්‌ මෙම පදිංචිකරුවන් විසින් අනුගමනය කළ යුතු යෑයි පැවසුවේ ද දෙවියන් වහන්සේගේ නියමය පරිදි ය. යුදෙව් ආගම බිහි වූයේ ඒ අයුරිණි. යුදෙව් ආගමේ විශේෂත්වය වූයේ යුදෙව් ජාතිකයෙකුට හැර වෙනත් කිසිවෙකුට ඒ ආගම ඇදහීමේ අයිතිය අහුරා තැබීම ය. යුදෙව් ආගමේ මෙම සීමාව ඉවත් කර ලෝකවාසී සියලු දෙනාට ම එම ආගම ඇදහීමේ වරප්‍රසාදය දිය යුතු යෑයි දේශනා කළ උපතින් යුදෙව්වකු වූ යේසුස්‌ ක්‍රිස්‌තුස්‌ වහන්සේ යුදෙව්වන් ඊජිප්තු ග්‍රහණයෙන් මිදී පැමිණීම වෙනුවෙන් පැවැත්වෙන පෙෂාවර් උත්සවයට පැමිණි අවස්‌ථාවේ බොරු චෝදනාවක්‌ මත දඬුවම් කර කුරුසියේ ඇණ ගසා උන් වහන්සේ මරා දැමුවේ ද යුදෙව්වන්ගේ ආගමික භක්‌තිය මනාවට පෙන්නුම් කරමිනි.

ඊශ්‍රායලයට එරෙහි ආක්‍රමණ ඊජිප්තු ආක්‍රමණයත් සමග නැවතුනේ නැත. බැබිලෝනියන්වරු, ඇසිරියන්වරු හා රෝමවරු වරින් වර ඊශ්‍රායලය ආක්‍රමණය කළහ. මේ සෑම අවස්‌ථාවකදීම ඊශ්‍රායල්වරුන් ඔවුන්ගේ මව්බිමෙන් පලවා හරින ලදී. ඔවුන්ට සිදු වූයේ වඩා සුරක්‍ෂිත යෑයි ඔවුන් සිතූ ඉතාලිය, එංගලන්තය, ප්‍රංශය, ජර්මනිය යන බටහිර රටවලට පලා යාමට ය. යෙරුසෙලම් නගරය පිහිටියේ ඊශ්‍රායලයේ ජුදා (Judah) නමින් හැඳින් වූ ප්‍රදේශයේ හෙයින් බටහිර රටවලට හා වෙනත් මැද පෙරදිග රටවලට පලා ආ ඊශ්‍රායල් ජාතිකයන් "යුදෙව්වන්" "Jews" යනුවෙන් හැඳින්වීමට පටන් ගත්හ. බටහිර රටවලට පලා ආ නමුත් දෙවියන් වහන්සේගේ නියමය පරිදි මෝසස්‌තුමා විසින් දේශනා කරන ලද ආකාරයට තම ජීවිත පවත්වා ගැනීමට ද ඒ ඇදහිලි අනුගමනය කිරීමට ද ඔවුහු අමතක නොකළහ. ඒ නිසා "යුදෙව්වන්" "Jews" විසින් අදහන ආගම "යුදෙව් ආගම" "Judaism" යනුවෙන් හැඳින්විය. මෙම තත්ත්වය ද ගැටලු සහගත විය. ක්‍රිස්‌තියානිය හා රෝමානු කතෝලික ආගම යුරෝපය පුරා පෘතුල ලෙස පැතිර යාමත් සමග එංගලන්ත, ප්‍රංශ හා ස්‌පාඤ්ඤය වැනි රටවල රටවැසියන් සමග ආගමික ගැටුම් ඇතිවීම වැළැක්‌ විය නොහැකි විය. එහෙයින් ඊශ්‍රායල් ජාතික යුදෙව්වන් ඒ රටවලින් නෙරපා හරින ලදී.

මේ නෙරපා හැරීම නිසා යුදෙව්වන් හට ඉතිරි වූයේ ඉතාලිය, ජර්මනිය, ඕස්‌ත්‍රියාව, රුසියාව වැනි රටවල් පමණකි, බොහෝ විට එහි දී ද ඔවුනට සිදු වූයේ ඈත ප්‍රදේශවල වෙන ම ජන කොට්‌ඨාසයක්‌ ලෙස ජීවත් වීමට ය. එම ජනාවාස හැඳින් වූයේ "මුඩුක්‌කු" "ghettos" යනුවෙනි. එපමණක්‌ නොව සමහර රටවල දී ප්‍රසිද්ධියේ හීබෲ භාෂාව කතා කිරීම ද ආගමික වතාවත්වල යෙදීම ද ඔවුනට තහනම් විය. තවත් සමහර ප්‍රදේශවල දී ගමන් බිමන් යනෙන විට වළලුකර දක්‌වා වැටෙන දිග ලෝගුවක්‌ වැනි විශේෂිත ඇඳුමක්‌ ඇඳ ගෙන යාමට හෝ යුදෙව්වෙකු බව ලෙහෙසියෙන් හඳුනා ගත හැකි වන පරිදි පදක්‌කමක්‌ පැළඳ සිටීමට හෝ සිදු විය. තවත් සමහර ප්‍රදේශවල දී ඊස්‌ට්‌ යොදා සාදනු ලබන පාන් ආහාරයට ගැනීම ද ඔවුනට තහනම් විය. ඒ බව සිහිපත් කරනු පිණිස ඊශ්‍රායලයේ ජීවත්වන යුදෙව්වන් පෙෂාවෝර් වැනි සමහර ආගමික උත්සවවලට පෙර ගෙදරදොර, ආහාර පිණිස හා අනුභව කරන භාජන පිරිසිදු කරන්නේ ඊස්‌ට්‌ බිඳක්‌වත් ඉදිරි නොවන සේය.

මෙසේ ඉතා දැඩි ආකාරයේ පීඩනවලට ලක්‌ව ජර්මනිය, රුසියාව, පෝලන්තය, ලිතුවේනියාව වැනි රටවල ජීවත් වූ යුදෙව්වන්ට එරෙහිව එල්ල වුණු දැඩිම ප්‍රහාරය එල්ල වූයේ දෙවන ලෝක යුද්ධයේ දී ය. ඒ නිසා බොහෝ යුදෙව්වෝ අමෙරිකා එක්‌සත් ජනපදයට පලා ගියහá සමහරු පලස්‌තීනයට පලා ගොස්‌ නැවත ඊශ්‍රායල් රට පිහිටුවා ගත්හ. ඊශ්‍රායලය යන නම වෙනස්‌ කොට එම දේශය පලස්‌තීනය ලෙස නම් කළේ රෝම ආක්‍රමණිකයන් විසින් යුදෙව්වන් එරටින් පලවා හැරීමෙන් පසුව ය.

හෙන්රි සමරනායක

"දෙමළ ඩයස්‌පෝරා" මිථ්‍යාව

OXFORD Advanced Learners' Encyclopedic Dictionary:

"settling of Jews among various non-Jewish communities after they had been exiled in 538 BC."

ඊශ්‍රායල් ජාතිකයන් ක්‍රිස්‌තු පූර්ව 586 දී ඔවුන්ගේ මාතෘ භූමිය වූ ඊශ්‍රායලයෙන් පලවා හැරීමෙන් පසු සරණාගතයන් ලෙස (බටහිර රටවල) විවිධ ප්‍රදේශවල පදිංචි කරවීම

The Usborne Encyclopedia of Religions:

"Today, the communities of Jews living outside of Israel are said to be living in Diaspora".

ඊශ්‍රායලයෙන් පිටත ජීවත් වන යුදෙව් ජන සමූහය.

The Encyclopedia Encarta:

The Diaspora (Greek diapora - scattering or sowing of seeds) is used (without capitalization) to refer to any people or ethnic population forced to or induced to leave their ethnic motherland, being disperse throughout other parts of the world.

ඩයස්‌පෝරාවක්‌ වීමට (diaspora - without capitalization) පහත සඳහන් අංග සම්පූර්ණ විය යුතු ය.
1. මාතෘභූමියෙන් පලවා හරින ලද විය යුතු ය. එසේ නොමැතිනම්
2. ආදේශක බලහත්කාරකමක්‌ මත පලා ගිය අය විය යුතු ය.
3. එම පලා හැරීම හෝ පලායාම සිදුවිය යුත්තේ මාතෘභූමියේ සිට හෝ එම ජනකොට්‌ඨාසයේ නිජ භූමියේ සිට හෝ ය.

Diaspora (without capitalization) යන පදයට ඉහත දී ඇති අර්ථය අනුව විදේශගතව ජීවත්වෙමින් එල්.ටී.ටී.ඊ. ව්‍යාපාරයට ආධාර උපකාර කරන එක ද දෙමළ ජාතිකයෙකුටවත් දෙමළ ජාතික කණ්‌ඩායමක්‌වත් ඩයස්‌පෝරාවක්‌ ලෙස හඳුන්වා දිය නොහැකි ය. විදේශගත දෙමළ ජාතිකයන් ඩයස්‌පෝරාවක්‌ ලෙස අපි ඔවුන් හඳුන්වන්නේ නම් සිංහල අපි දෙමළ ජාතිකයන්ගේ මාතෘභූමිය වූ ශ්‍රී ලංකාව ආක්‍රමණයකර ඔවුන් ඔවුන්ගේ මාතෘභූමියෙන් පලවා හැරී බවද පිළිගත යුතු ය.

දෙමළ ඩයස්‌පෝරාවක්‌ ගැන කතා කිරීමට පෙර උක්‌ත කරුණු ගැන සැලකිලිමත් වන මෙන් ජන මාධ්‍යවේදීන්ගෙන් හා විද්වතුන්ගෙන් ඉල්ලා සිටිනු කැමැත්තෙමි. ප්‍රශ්නයක්‌ උද්ගත වුවහොත් දැනට අමෙරිකා එක්‌සත් ජනපදයේත්, කැනඩාවේත් එංගලන්තයේත් ඕස්‌ටේ්‍රලියාවෙත් ස්‌වකැමැත්තෙන් පදිංචියට ගොස්‌ රැකියාවල නියුතු, උසස්‌ අධ්‍යාපන කටයුතුවල නියෑලි සිංහලයන් ද "සිංහල ඩයස්‌පෝරාවක්‌" ලෙස හැඳින්වීමට සිදුවනු ඇත. එහෙයින් දෙමළ ඩයස්‌පෝරාවක්‌ ගැන පවසනවාට වඩා "විදේශගත දෙමළ ජාතිවාදීන්" යෑයි හෝ "විදේශගත දෙමළ බෙදුම්වාදීන්" යෑයි පැවසීම වඩාත් උචිත යෑයි මම සිතමි.

හෙන්රි සමරනායක

http://www.divaina.com/2011/01/09/feature17.html

"පුල්මුඩේ මුස්‌ලිම් ගොවීන්ගේ ඉඩම් ප්‍රශ්නයක්‌...."

මුස්‌ලිම් ගොවීන්, සිංහල ගොවීන්, දෙමළ ගොවීන් කියා ගොවීන් වෙන් කරන්න බැහැ.... සියලු දෙනාම ගොවීන්...

යෑයි දිනේෂ් කියද්දී බොහෝම හොඳයි..." කියා කථානායකවරයාද එය අනුමත කළේය.

http://www.divaina.com/2011/01/07/news06.html

ඩිජිටල් ප්‍රසිඩන්ට් ….

ලංකාවේ ලේඛන සංරක්ෂණය සඳහා නව වැඩපිළිවෙලක ආරම්භය පසුගියදා සාකච්ඡාවට ලක් වුණා. කොළඹ ගලදාරි හෝටලයේ පැවැත්වුන විද්වත් හමුවේ ප්‍රධාන දේශනය කළේ ජනාධිපති ලේකම් ලලිත් වීරතුංග.

රටේ ජනතාවගේ ව්‍යාපාරික ලේඛන ගබඩා කිරීමේ ගැටලූවක් ඇති වී තිඛෙනවා. පාර්ලිමේන්තු හැන්සන්ඩ් වාර්තා, උසාවි වාර්තා, වෛද්‍ය පරීක්ෂක රෝගි ප්‍රතිකාර ලේඛන අනාගතය සඳහා රැක ගැනීම විශාල ගැටළුවක්. ඒ සඳහා විශාල කාමර, ගබඩා කාමර සහ ගුදම් දක්වාම දැන් ඉඩ ඕනෑ වෙලා. එම ලේඛන අනාගතයේ ඉතිහාස ගත ලේඛන වෙනවා. ඒවා විනාශ කිරීම යනු ඉතිහාස සාධක විනාශ කිරීමක්. එසේ නම් එම ලේඛන රැකගත යුක්තේ කෙසේද ඩිජිටල්කරණ ඊට හොඳ විසඳුමක්.

අපේ රටේ පරිඝනක සාක්ෂරතාව 2005 දී 5% ක්. දැන් එය 35% ක්. එය වත්මන් ජනාධිපතිවරයාගේ උත්සහයේ ප්‍රතිඵලයක් කියලයි ලලිත් වීරතුංග ප්‍රකාශ කළේ.

මම 2009 දී දිනපොතත්, සටහන් පොතත්, පරිඝනකයත් 3 ක් රැගෙන යා යුතු වූවා. දැන් මම ගෙනයන්නේ e-Book ඩිජිටල් පරිගණකය පමණයි. එහි ඝනකම කුඩා කොපි පොතක් තරම් ඇති. ඔහු පැවසුවා.

අපේ ජනාධිපතිතුමාට Microsoft සමාගමේ අධිපති බිල් ගේට්ස් සුභ පතනකොට කිව්වේ යු ආර් ද ඩිජිටල් ප්‍රසිඩන්ට් (Digital President) කියලා.

ප්‍රසිඩන්ට් Digital වෙනකොට Secretary ඇන-ලොග් නොවීම ලොකු දෙයක්.

- http://lankaelink.com/sinhala/news/1577/